Son zamanlar gəmiricilərin artması ilə əlaqədar şikayətlər çoxalıb. Buna səbəb havanın soyuq olması və gəmiricilərin isti məkanlara sığınmasıdır. Siçan və siçovullar həm yaşayış sahələrində, həm də restoran, anbar, market, istehsalat müəssisələri kimi obyektlərdə ciddi problemlərə səbəb olur. Gəmiricilər yalnız maddi ziyan vurmaqla kifayətlənmir, eyni zamanda insan sağlamlığı üçün təhlükəli xəstəliklərin daşıyıcısı hesab olunurlar. Buna görə də siçan və siçovullara qarşı mübarizə vaxtında və peşəkar şəkildə aparılmalıdır.
Siçan və siçovulların yaratdığı təhlükələr
Siçovul və siçanlar elektrik kabellərini gəmirərək yanğın riskini artırır, qida məhsullarını çirkləndirir, yeyərək yararsız hala salır və müəssisələrin sanitar vəziyyətini təhlükə altında qoyur. Onlar leptospiroz, salmonella, taun kimi yoluxucu xəstəliklərin yayılmasına səbəb ola bilirlər. Xüsusilə qida sektoru üçün bu risklər ciddi hüquqi və maliyyə itkilərinə yol aça bilər. Ona görə də gəmiricilərə qarşı mübarizə vacib proses hesab edilir.
Gəmiricilərin yaranma səbəbləri
Əsas səbəblər arasında açıq qida mənbələri, düzgün saxlanılmayan tullantılar, dəliklər, köhnə binalar və nəzarətsiz anbar sahələri dayanır. Siçan və siçovullar isti və qaranlıq mühitlərdə sürətlə çoxalır. Buna görə də profilaktik tədbirlər mübarizənin əsas hissəsidir.
Peşəkar deratizasiya niyə vacibdir?
Evdə istifadə olunan sadə tələlər və dərmanlar qısa müddətli effekt versə də, problemi kökündən həll etmir. Peşəkar deratizasiya xidməti isə gəmiricilərin növünü, çoxalma səviyyəsini və giriş yollarını müəyyən edərək sistemli mübarizə aparır. Bu zaman sertifikatlı rodentisidlərdən (gəmiriciləri öldürən kimyəvi maddələr), təhlükəsiz yemləmə qutularından və müasir nəzarət üsullarından istifadə olunur.
Effektiv mübarizə üsulları
Gəmiricilərə qarşı effektiv mübarizə üsulları aşağıdakılardır:
Giriş və çıxış nöqtələrinin bağlanması;
Qida mənbələrinin aradan qaldırılması;
Mexaniki (müxtəlif tələlər və yapışqanlardan istifadə) və kimyəvi mübarizə (dərmanlama) üsullarının birgə tətbiqi;
Müntəzəm monitorinq və nəzarət.
Bu üsullar birlikdə tətbiq edildikdə siçan və siçovullara qarşı mübarizə daha davamlı nəticə verir.
Deratizasiya xidmətimiz
Gəmirici problemini görməzdən gəlmək daha böyük risklər yaradır. Sağlam, təhlükəsiz və gigiyenik mühit üçün peşəkar deratizasiya xidmətimizə müraciət etmək ən doğru seçimdir. Sanitariya Epidemioloji Xidmətlər MMC gəmiricilərlə mübarizə sahəsində təcrübəli şirkət olaraq xidmətinizdədir. Biz gəmiricilərin gəliş nöqtələrini təsbit edirik, müxtəlif tələlər, yapışqanlar və dərmanlar vasitəsilə onların kökünü kəsirik.
Vaxtında bizə müraciət edin. Unutmayın, vaxtında görülən tədbir həm sağlamlığınızı, həm də biznesinizi qoruyur.
