Gənə

Yataq gənələri

Yataqda gənələrlə birgə yatdığınızı bilirsinizmi?

Bəs gənələrin sizi astma xəstəsi etmək iqtidarında olduğunu necə?

Yataq gənələri üçün münbit mühit tozlu, isti, tərli, tük yastıqlar, yun yorğan-döşəklər və s. hissələrdir. Onlar burada yumurta qoyur, çoxalır.

Ölçüsü 0,1-dən 0,23 mm-ə qədər olan bu gözəgörünməz canlılar xüsusi optik vasitələrlə görünür. Yataq gənələri dişləmirlər, qan udmurlar.

Ancaq gənələrin nəcislə ifraz etdiyi xüsusi maddə protein növünə həssas insanlarda allergiyaya səbəb olur. Onların müəyyən müddət ərzində yığılması nəticəsində qıcıqlanma, astma təzahürləri, dermatit, allergen əsasında rinit yarada bilər.
Döşək tozunun 1 qramında yüzlərlə, minlərlə yataq gənəsi olduğunu nəzərə alsaq, təmizlik işlərinin vacibliyi aydın görünür.